• NOHA

البستان - ج 1




صوت راجل بيزعق: أنتي بتقولي أيه...أزاي تاخديها؟!

صوت بنت بترد: مي كانت عايزة...

صوت الراجل: أيه مي عايزة دي؟! مي مابتعرفش تتكلم و لا تفكرعلشان تعوز

صوت البنت: لأ تقدر..أنت لو كنت بتبص كنت عرفت


في مكان تاني، بنت صغيرة شعرها كارية قاعدة بترسم في ورقة علي الأرض و جنبها موسيقي رايقة شغالة علي جرامفون قديم بينما الخناق شغال تحت.


تحت راجل في نص التلاتين بيزعق: بس بقي...ماهي كويسة..بطلي بقي

بنت عندها 15 سنة تحط أيديها في وسطها و تبصله، الراجل: أيه...أيوه كويسة...أيه اللي كان حصل لو الكلب كان سعران؟!

البنت: مش سعران..مدام كوثر قالت لي

الراجل: و مصدقاها كده علطول! الست دي غبية..غبية و مهملة...أي حد ممكن يقول أي حاجة يا نانسي..بكره تتعلمي الكلام ده

نانسي: أنا شوفت شهادة الكلب..أنت ليه بتعاملني علي أني غبية و مابفهمش حاجة؟!

ست تيجي من جوه: بس..وطوا صوتكوا أنتوا الأتنين...أنتوا عايزينها تسمعكوا و توتروها؟

الراجل للست: معلش يا سيتي..أرحموننني ي ي بقي. الراجل يشوح و يمشي و الست وراه.

نانسي: يا جماعة أستنوا


في مكان تالت، واحدة ست كبيرة قاعدة جنبها كلب: خدي يا بيضة الدوا...ماتخفش مش هيوجعك...معلش يا حبيبي..أحنا عارفين أن عمرك ما عضيت حد قبل كده...هي السبب...

الست تتدور لراجل عجوز قاعد علي كرسي كبير و تقول بثقة: حاسس بحاجة فيها.

الست تفتح حتة من ستارة و تبص من شباك ڤيلا صغيرة و قديمة علي عمارة قديمة أودامها.


نانسي واقفة أودام باب أوضة: مي أفتحي الباب يا حبيبتي

الراجل: مي أفتحي الباب ده دلوقتي حالا

في الأوضة ، البنت الصغيرة عمالة بترسم في بيت.


الست العجوزة: أشرب يا حبيبي..في حاجة مش مظبوطة فيها...مش أنها اللهم ما أحفظنا لأ...في حاجة تانية


نانسي: علشان خاطري أفتحي الباب

الراجل: وطي الزفت ده لحسن حد يكلم البوليس

البنت بترسم بهيستيريا في البيت و بتسود أوي في شباك من شبابيكه.


الست العجوزة: في حاجة غلط...و بدر حس بيها..الكلاب بتحس..أه طبعا...سامع...المزيكا..في حد معلي علي الأخرهناك.....أيه ده!! زلزال!!!

الراجل العجوز: الأرض مش بتتهز؟

الست بهيستيريا: أجري أجري

الراجل: يلا


نانسي: مي أفتحي الباب

الراجل بيزعق: دلوقتي يا مي

البنت الصغيرة بترسم حاجات سودة نازلة من السما علي البيت.


الست العجوزة بتجري ورا الراجل: يلا يلا..

الراجل: هو أيه اللي بيحصل؟

الست بهيستيريا: مش عارفة.

الراجل و الست خارجين من البيت و يبان أن في حجر بيقع جوه عند المدخل من السقف، الراجل و الست يقفوا بره البيت متنحين و بيتفرجوا علي بيتهم بيتكسر.


الراجل لسه بيزعق: دخلينا يا مي

نانسي: مي أفتحي يا مي.

و هما بيخبطوا و بيعافروا مع الباب الباب فجأة ينفتح معاهم و الراجل يدخل بكل قوته و وراه نانسي.

الراجل لنانسي و هو بيشاور علي الجرامفون: أقفلي الزفت ده..

الراجل للبنت الصغيرة: أنتي بتهببي أيه؟

الراجل يبص علي الورقة اللي في الأرض اللي كلها بقت بقع سودة: أيه دة !!!

الأب: نان..بصي.

البنت الصغيرة ترفع عروسة لعبة: نان...بااايبي

نانسي تبص و تتنهد بأسي: عارفة...مي...أنتي عملتي أية؟




تحياتي

نهي ماهر











#البستان#كتاب#قصة#ماوراء الطبيعة#خارق#روح#روحانيات#قدرات#مسكون#قصر#البيوت#بيت#مساكن#أعداء

#قصص#حواديت#مصر#خيال#أثارة#رعب#كاتب#كتابة#أبداع#فن#فنان مصري#مقالة#مدونة#رسم#شخبطة

Recent Posts

See All