قوة العلاقة...رسالة أب

هذه رسالة حقيقية ليست من وحي الخيال لكن تعبرعن أصوات كتير

كنا في أعياد لما قريبي دخل بأبنه و صديقته اللي سوا في عمر الـ 14 سنة

المشاهد بين الولد و البنت كانت مثيرة للأهتمام، الليدي الصغيرة كانت مسيطرة علي الموقف تماما.

الولد كان ماشي وراها زي خيالها و بينفذ كل حاجة كانت عايزها

قعد مكان ما هي عايزة، أتكلم في اللي هي عايزة تتكلم عنه و حتي أكل من اللي هي بتاكل منه.

لدرجة ممكن أقُربكل شجاعة أنها لو طلبت منه يتسلق البيت و يرمي نفسه من فوق هيعملها من غير أي سؤال.

بعدين سرحت لورا لما كنت في سنهم و الموقف كان نسخة طبق الأصل بالنسبة لي

اللي كانت عايزها زميلتي كنت بعمله، كانت متحكمة في بنعمل أيه و أمتي نعمله.

عمري ما فكرت أمسك زمام العلاقة و أسيطر، أنا كنت بس مبسوط لمجرد أنها موجودة حواليا.

كان عندي أصحاب بيتباهوا أنهم مسيطرين و مالكين كل حاجة في العلاقة

مع أن في نفس الوقت، كان واضح و كلنا شايفين أنه مش حقيقي لأن أول ما صاحبته بتظهر الدنيا بتتقلب.

المهم...كل أتنين راقبتهم بيعملوا أيه في الوقت ده، كان الطرف الناعم مسيطر كليا.

قعدت أفكر أزاي شكل العلاقة بيتغير لبعض البنات و الستات

ليه البنت بتسمح للموقف يفضل ياكل منها لغاية ما شخص يحبطها، يوترها، و كمان أحيانا كتير يسيء معاملتها جسديا أو غيره؟

هل القوة بتتسلب منهم و لا هما اللي بيستغنوا عنها أو يسلموها طواعية؟

كأب لبنتين..أنا عايز بناتي يبنوا علاقات صحية و مثمرة مع أزواجهم و مش عايزهم يقعوا في علاقات مؤذية.

فقعدت أدور لغاية ما لقيت مقالة عن مركز نفسي بتأكد أن مفيش أجابات و حلول سهلة لكن أكتر 8 أسباب شائعة لبقاء النساء

أو رجوعهم لعلاقات سيئة كان كالأتي:

1- عشان لما بتبقي كل حياة الشخص، الأحساس بيبقي عامل زي المخدر بيديك يوفوريا خاصة من نوعها...علي الأقل في الأول

2- عشان حالة الولد المتمرد بتبقي ساحرة

3- عشان البنت بتحس أنها ما تستحقش أحسن من كده

4- عشان البنت ماتعرفش أحسن من كده

5- عشان هو بيخوفها أو بيتلاعب بعواطفها و دماغها

6- عشان هي مصدقة أنها تقدر تغيره

7 – عشان هي خايفة تبقي لوحدها أكتر من وجودها في علاقة مؤلمة

8 – عشان حقيقي بتحبه

أنا مش فاهم أوي كل الأسباب دي حقيقي لكن أنا مش بنت و عارف ٳني مش هقدر أفهم كل حاجة البنات بتمر بها.

لكن اللي أعرفه أن أي أساءة من أي نوع غير مبررة و أحنا كمجتمع لازم نعمل أكتر لتقوية كل البنات و الستات عشان يوصلوا لأقصي أمكانيتهم.

بما أننا جميعا جينا من ست و ست سميتنا و ست علمتنا و ربتنا

أتساءل ليه بناخد من الستات..بنغتصب الستات..هل أحنا بنكره ستاتنا؟

أعتقد جه الوقت اللي نقاتل فيه عشان ستاتنا..نبقي حقيقين مع ستاتنا..نحاول نشفي ستاتنا

لأن لو ما عملناش كده هيبقي عندنا جيل من الأطفال بيكره السيدات اللي بتعمل الأطفال

#رسالة#أب#أبنة#نساء#علاقة#حب#أساءة#أبنتي

#عزيزتي#قوة#بنات#صحة#أطفال#شفاء#ألم

#مؤذي#تغيير#علاقات#ليدي#أبن#سيطرة

#تحكم#مخدر#تستحق#خايفة